請點此欣賞此組推薦主題

詩‧朗讀：李敏勇
音　　樂：高民
專　　輯：一個台灣詩人的心聲告白
年　　份：1995
曲　　目：島嶼心境
　　　　　　　01. 心聲
　　　　　　　02. 如果你問起
　　　　　　　03. 詩的光榮
　　　　　　　04. 這一工，咱來種樹仔
　　　　　大地之歌
　　　　　　　05. 自然現象
　　　　　　　06. 季節的感觸
　　　　　　　07. 變色風景
　　　　　　　08. 記憶
　　　　　　　09. 象徵
　　　　　現實風景
　　　　　　　10. 從有鐵枝仔的窗
　　　　　　　11. 伊愛鳥
　　　　　　　12. 冬夜
　　　　　　　13. 秋天的詠歎調
　　　　　心的對話
　　　　　　　14. 為一隻鳥
　　　　　　　15. 佮星的對話
　　　　　　　16. 秋天
　　　　　　　17. 海
　　　　　傾聽溫情
　　　　　　　18. 斷想
　　　　　　　19. 海的臆想
　　　　　　　20. 想像
　　　　　　　21. 麵包佮花

※ 按此看詩詞 ※

詩與音樂對話 一個台灣詩人的心聲告白

(本文轉載自專輯內附之介紹)

這是真特別的特集，詩人用聲音來發表作品，而且有創作音樂佮詩作伙演出。

李敏勇是一個出世佇二二八事件發生的彼一年 (1947年) 的台灣詩人，伊的成長經歷過戰後台灣的歷史行程。從伊的故鄉屏東，因為就學佮就業的關係，經過高雄、台中到台北，對咱島嶼的土地以及社會有深刻的體認和感受。

出版過六本詩集的李敏勇，佇伊的詩裡面佮咱的民族和國度緊密帶連。伊透過詩人的經驗和想像：感傷咱時代的感傷，歡喜咱時代的歡喜。作品有特別的風格，得到真好的的評價，並且被翻譯過真濟外國文字，介紹去外國。

但是李敏勇真正關心的是伊的詩是不是會當佮自己的民族和國度緊密帶連，伊生活的土地上面的人是不是會當從伊的詩得到感動，和伊對話。

因為，詩應該是一個民族的靈魂發出來的聲音；

因為，詩應該是一個國度的文化展現出來的意象。

李敏勇佇伊的詩「詩的光榮」裡面提起：

「詩是監禁佇心內的鳥仔
　詩是封鎖佇冰雪的春天
　詩是感傷佮寂寞的秋天」

但是，伊又擱講：

「但是
　詩不絕望
　像我緊緊舉著筆」

從1960年代末期以來，一直到現在，李敏勇佇伊的文學路程上面將詩當作最重要的志業。伊透過詩不斷發出台灣的聲音：這款聲音有咱土地、有咱人、有咱歷史、有咱社會、有生活、有你、有我的心情佇裡面。

「一個台灣詩人的心聲告白」的二十一首詩是特別從真濟作品中選出來，適合朗讀，適合用心傾聽的詩。相信，佇音樂的情境裡面，這些詩會當佇你的心靈得到共鳴。因為這些詩會當佇你的心靈得過共鳴。因為這些詩不但是一個台灣詩人的心聲，嘛是你的心聲。詩人的告白是要開你心靈的門窗，給你會當發出你自己的聲音。

二十一首詩，分作五個小輯：

島嶼心境：有咱這個島國的歷史滄桑和詩人的信念、希望。
大地之歌：有咱土地的環境生態透露出來的感傷。
現實風景：反映咱國度和社會的暗澹狀況。
心的對話：有真豐富的感情從心講出來。
傾聽溫情：有人生真濟深刻的感受和體認。

希望透過詩的聲音，李敏勇這個台灣詩人的心聲告白會當佇你的人生旅程，佇你的生活場景成為你的伴。當你惦惦地在聽從音樂的情境裡面一聲一句的詩的時陣，咱愈堅定倚佇咱島嶼；咱愈愛咱的土地；咱的心愈會當互相對話；咱的人生愈有感動；咱的生命愈美。

(本文轉載自專輯內附之介紹)

請點此欣賞此組推薦主題