葉啟田 - 男性的復仇

多情多恨　情慾的世界　男性復仇　怎樣你敢知

男：做著男性　要緊頭一層　就是有志氣
　　阮失志的時候　受人恥辱　被所愛的人放棄
　　一時　想要解決失戀的痛苦
　　消極的人有的自殺　有的傷害對手
　　你看呢　每日的新聞報紙上　都寫著愛甲恨　毒殺凶殺自殺的記事
　　實在彼款的人是真憨
　　啊有影　我是來酒場喝酒　續來講著這款無趣味的話

女：你這位人客　請你不通按呢講　這是實在話　阮聽著真有趣味哥
　　嗄！　看來你是一位　真飄泊的男子　你敢也會被女人放棄什

男：是　因為三年前　我呼一個女性來加我放棄
　　受著精神的打擊　應該是自殺去了
　　但是我再改著人生觀　當做失戀是一種好經驗　奮發努力
　　者有通來這酒場喝酒　甲你相識

女：呼！　三年前呼人放棄去什　啊有影
　　你一位人客　不知什麼大名呢？

男：我小姓姓林　林清華就是我本身

女：嗄？　林清華　林清華先生就是你
　　噫阮真歡喜　你是真出名的人
　　阮今暗會得甲你伴酒　大家相識　阮實在真光榮啦

為情為愛　這款不應該　三年仇恨　永遠在心內
男性仇恨　鎮靜在心內　等待時機　以德報伊知

男：錦秀　你的名叫做錦秀　實在號得真好名
　　我今晚有帶著一張相片　就是三年前　失業呼人放棄的時候攝的相片
　　彼時我是無嘴鬚　也無掛目鏡　而且身體致病　面肉消瘦
　　全然甲這袸的面形不相同　這張相你看恰深足呢

女：嗄！這張相　這張就是你　你　你就是明華

男：哈哈　哈哈　錦秀　不是　阿桃

女：嗄？

男：免著驚　今日來酒場飲酒　不是我的目的　我是專工要來尋你
　　這三年內賭著男子的志氣　建設著我的地位
　　宣傳我的名聲　利用著我的成功甲發展
　　今日專工要來報復你啦　錦秀　不是　阿桃
　　男性偉大的力量　你永遠不通袂記者好　你請

女：啊請等呢　明華明華

男：什麼？　愛錢什　愛錢即　彼腳皮包總提去

女：明華　啊請等呢　明華明華

為著人類　女性著警戒　不通陷害　英雄的將來

紀露霞 - 女性的復仇

（唱）明知伊是薄情君　一瞑想伊到天光
　　　恨伊將阮來放斷　天光想伊到瞑方
　　　啊～愛情過了　煞來變成恨

（男）麗蘭，實在對你真不住！我下暗無甲你來離別是未用呢。
（女）啊？欲甲我來離開？文成，這是怎樣講咧？
（男）唉...這也是不得已。事已經迫在眼前。
　　　因為我故鄉的老父欲強逼我倒轉去。我...
（女）什麼？文成！這是怎樣講？
　　　你講的話，我全然未分明...
（男）啊...這款的話我是真無愛對你講。
　　　麗蘭，妳得愛來赦免我！我已經是...是有某子的人...
（女）什麼？你已經是有某子的人！啊！這...這甘不是眠夢哩？

（唱）明知愛情是神聖　當初不願來犧牲
　　　甜言蜜語假真情　阮才為伊變不幸
　　　啊～這款惡魔　絕對會報應

（男）麗蘭，咱已經離開了三年囉...
　　　今仔日我來這個酒場，是專工來找妳。
　　　請妳一切來赦免我！因為我事業來失敗，某子煞來死...
（女）哼！你也擱有彼個面通來見我？！
　　　我的一生為你這個惡魔來破壞，
　　　在這三年來我不知樣受了外多的苦楚，
　　　而且不知樣有外多的男性被我來受克虧。
　　　今仔日我來這個酒場做著煙花女，雖然是為著生活，
　　　不過，我的希望是欲來替天下的女性來復仇的啦！
　　　你沒必來要見我！請你無通來延前著我的時間！！
（男）ㄝ？麗蘭，請妳來赦免我！
　　　妳會來變成這款完全是我的罪惡...麗蘭，請等咧！
　　　麗蘭、麗蘭，請等咧！麗蘭，請等咧！
　　　啊...妳去啊是無？

（唱）男性採花無想後　一旦採了沒回頭
　　　日子經過三年後　阮才甲伊相會頭
　　　啊～滿腹仇恨　今日一齊透